Seminàriu de istùdios.

S'Unione de sos Comunos de su Barigadu ammàniat una die de formatzione:

"Sfoltire per arricchire: criteri bibliografici e modalità operative della revisione"

Reladore: dut.sa Loredana Vaccani.

Su seminàriu est pro:

• bibliotecàrios
• àteros operadores de su setore
• e chie est interessadu a connòschere de prus subra su ruolu de s'iscartu.

Sa sea est sa biblioteca comunale de Fordongianus, su seminàriu at a èssere su 6 de santuaine dae sas 9.00 a sas 17.00, pasu pro pràndere dae sas 13.30 a sas 14.30.

Link de aprofondimentu - iscritzione.

Abbasanta. Gita: una die dedicada a sos giòvanos abbasantesos.

Abbasanta Outdoor

Sa Comuna de Abbasanta, paris cun su Sòtziu Studio e Progetto 2, su Servìtziu Tzivile Natzionale e s’Agris, ant ammaniadu una die pro sos giòvanos abbasantesos chi tenent dae sos 15 a sos 30 annos.

Si tratat de una die paris pro fàghere un’escursione archeològica e connòschere mègius su pròpiu territòriu.

S’atòbiu est in Abbasanta pro su 12 de santuaine in pratza istatzione, su pullman partit a sas 9.45, si torrat a bidda a sas 6.00 de sero.

S’adesione si dat intro de su 2 de santuaine a sa mail eventi @studioprogetto2.it o in facebook a sa pàgina Eventi Giovani ad Abbasanta.

Non bi pensedas tropu ca mancari no agatades prus disponibilidade, sos chi ant a pòdere leare parte sunt màssimu 35.

 
Programma de su de bìere: 

• Domus de Janas Mura Iddari 
• Su zassu funeràriu de Mesu Enas                  
• Tumba de sos gigantes Su Pranu 
• Crèsia de Santu Austinu 
• Tanca Règia
• Nuraghes Zuras e Aiga

A si bustare e a si pasare est a andare a Santu Austinu, a pràndere onniunu si batit su chi cheret.

Leade parte ca sunt totus logos chi cherent bidos e cherent connotos!!!

Inoghe sa locandina.

Profetos de su bilinguismu.

Bilinguismu creschet.

Dae pagu at acabadu unu progetu finantziadu dae sa Provìntzia de Nùgoro e sa Regione Sardigna. 

Si tratat de un'indàgine pro istabilire sas cumpetèntzias e abilidades linguìsticas de sos pitzinnos monolìngue e bilìngue. 

Su progetu a incuru de s’universidade de Edimburgo at duradu un’annu, una de sas punna fiat cussa de mustrare sos efetos positivos de su bilinguismu a livellu cognitivu e linguìsticu e de fàghere a manera chi mòrgiant totus cussas ideas isballiadas chi galu girant in contu de imparu de duas o prus limbas.

Pro su progetu est istada seberada sa provìntzia de Nùgoro cun sa partetzipatzione voluntària de unas cantas iscolas cun pitzinnos dae sos 6 a sos 8 annos.

Pro nde ischire de prus in contu de bilinguismu.

Antonella Sorace. Profetu de su bilinguismu.

Tesi universitària de una dotoranda, bie cap. 1.

Sas maneras de pesare unu pitzinnu bilìngue.

Isvilupu de su pitzinnu bilìngue.

Trampas in contu de bilinguismu.

Sa I festa de sa limba sarda.

Domìniga colada, in Sèdilo b'aiat festa manna: sa festa de sa limbas e de su sardu, sa gente fiat meda e dae totue. 

Inoghe agatas su link pro àere totus sos detàllios. 

Norghiddo: tres dies pro sa limba.

A partire dae cras, in Norghiddo in sos meses intre de cabudanni e santuaine s'ant a fàghere tres dies pro sa limba sarda.

Amus a presentare duos libros e una die at a èssere totu promore Montanaru.

Sos apuntamentos comintzant cras:

• chenàbura 26 de cabudanni,a sas 6.00 de sero, in sa biblioteca comunale 

presentada de su libru de Giuseppe Corongiu:"Il sardo una lingua normale"

• sàpadu 11 de santuaine, a sas 6.00 de sero, in s'àula cunsiliare, 

una die pro ammentare a Montanaru.

• chenàbura 17 de santuaine, a sas 5.00 de sero in sa turre aragonesa de Bilartzi

presentada de su libru de Frantziscu Casula, "Letteratura e civiltà della Sardegna"

BOS ISPETAMUS IN MEDAS, NON MANCHEDAS!!!

Abbasanta - FESTIVAL DE SA SUSTENIBILIDADE

Su 27 e su 28 de cabudanni in Abbasanta sa de III editziones de su festival de sa sustenibilidade, ammaniada dae su Sòtziu Animamente. 

Programma:

Sàpadu 27

• Dae sas 10.00 a sas 19.00.

Mustras, issalles e ricamos a incuru de Alessia Podda

“Prendas e costùmenes de Sardigna” a incuru de Valeria Sanna

“Prendas in filè de Bosa” a incuru de sas Sorres Mocci

“Moros” de Gina Tondo.

• Dae sas 16.00 a sas 18.00.

Mongolfieras – laboratòriu didàticu ricreativu pro sos pitzinnos

• A sas 17.00 - Cantos e Ballos in sos bighinados, leant parte:

su Coro  e su Grupu Folk de Abbasanta.

Coro “Santu Atzei” de Simaxis e grupu Folk “San Simaco”.

Grupu Folk de Esporlatu.

Coro de “Tzaramonte”.

B’at a èssere unu cùmbidu, gràtzias a sos Bighinados, cun produtos  tìpicos.
A incuru de su Sòtziu Folclorìsticu Abbasantesu.

• A sas 21.00 in pratza de sa Vitòria Ispetàculu folclorìsticu: cantos e ballos

Domìniga 28

• Dae sas 9.00 a sas 21.00  Sighint sas mustras

• Dae sas 9.00 a sas 19.00 Mustra mercadu

• Dae sas 10.00 a sas 18.00 laboratòrios de su fàghere e maneras de vida:

Pane, casu, durches sardos, a traballare su ferru, sa linna sa tzeràmica, s’ortu, sa lìssia, su sabone, su ricamu, còrbulas, gnochetos, tamburos e triàngulos, su sabateri, su pistizone, sos gurteddos, a traballare sa prata, intritzu.

Launeddas de Alessandro Cossu

• Dae sas 11.30 a sas 13.00 esibitzione de Sos Corriolos de Neoneli.

• Dae sas 13.00 a sas 15.00 si podent tastare: gnochetos cun sartitza, porcheddu arrustu, berbeghe cota cun sa birra, frùtora abba francu àtera cosa de bufare. Si devet prenotare intro de su 26 de cabudanni.

• Dae sas 15.00 a sas 22.00 Animatzione cun:

Sa Cambullana

Sa Falconeria Giudicale sarda Arborense

Sos Arcieris de Aristanis

Sòtziu Sanguantino, cuartieri Castello – Iglesias

Coloramus su chelu: mongolfieras in bolu.

• A sas 19.00 ispetàculu teatrale “Chi ha paura del lupo cattivo”? cun su grupu teatrale “Genitori allo sbaraglio”.

Ballos cun su sonete de Michela Fadda.

Locandina de su programma in italianu.

Festa de sas limbas e de su sardu

Su Consìgiu de Europa at decraradu su 2001 comente ANNU EUROPEU DE SAS LIMBAS, dae tando su 26 de cabudanni de cada annu si festat SA DIE EUROPEA DE SAS LIMBAS, pro reconnòschere s'importu de s'imparu de sas limbas e pro ammentare chi sa diversidade linguìstica e culturale est ocasione de arrichimentu e de crèschida personale, de iscàmbiu interculturale e mèdiu pro acostiare sos pòpulos.

Cust'annu, domìniga su 21 de cabudanni, in Sèdilo fintzas nois sardos amus a festare sa die europea de sas limbas: su (CSU) Coordinamentu pro su Sardu Ufitziale ammàniat paris cun sa comuna de Sèdilo sa 

Festa de sa Limba Ufitziale

una manera pro promòvere e amparare su sardu e s'istandard gràficu suo promòvidu in su 2006 chi dae tando a oe mancari a bortas trobeidu s'est ispartu in sa retza, in s'editoria, in sa literadura, in poesia e fintzas in iscola.

Su CSU cùmbidat totus: su Cussìgiu regionale, sos sìndigos, àteros entes e s'opinione pùblica. 

S'apuntamentu est a sas 9.30 de domìniga 21 de cabudanni in Sèdilo in su salone de 'Sa prima Ighina' in pratza de Santu Giuanne. 

leghe s'artìculu de limbasarda 2.0

leghe s'artìculu de s'ULS Pianalza Montiferru otzidentale

Festa regionale de sos burgos autènticos de Sardigna

Su 20 e su 21 de cabudanni 

pro sa I borta in Sardigna festa regionale BAI.

Totus sos burgos autènticos de Sardigna si sunt aunidos pro organizare custa I editzione de sa festa in Àgghiu, in su coro de sa bidda s’ant a pòdere agatare produtos gastronòmicos e de s’artesanadu de sos burgos, b’ant a èssere fintzas isfiladas cun màscaras de Sardigna, mùsica cun tenores e coros, e ballos cun grupos folk.

Pro sa die, sos istràngios ant a pòdere tastare sos màndigos tìpicos de sa bidda in ristorante e in prus s'at a pòdere fintzas tastare sa birra de su burgu autènticu de Sauris (Ud).

Pro ischire in ue dormire o mandigare cuntatare su MEOC, (Museu  Etnogràficu Oliva Carta Cannas) a su nùmeru de telèfono: 0039-079621029, cell. 0039-3494533208.

Iscàrriga sa locandina de su programma

Tadasune. Retìfica cuncursu de poesia.

AVISU: 

Mudada sa data de iscadèntzia de su Cuncursu de Poesia.

Si faghet ischire chi, cun determinatzione de su Responsàbile de su Servìtziu Sotziale, cultura, istùdiu e isport n°163 de su 03.09.2014, est istada mudada sa data de iscadèntzia de su bandu de poesia in limba sarda.

Sos traballos nche cherent mandados intro de su 17.10.2014

Retìfica

Iscola. Abertura lunis 15 de cabudanni.

Lunis chi intrat, su 15 de cabudanni sos pitzinnos torrant a iscola,

 su calendàriu pro custu annu 2014/2015 at a èssere su chi sighit:

Sas letziones comintzant: su 15 de cabudanni 2014

Acabu de sas letziones: 10 de làmpadas 2015

Vacantzas de Nadale: dae su 23 de nadale 2014 a su 6 de ghennàrgiu 2015

Vacantzas de Pasca: dae su 2 a su 7 de abrile 2015

Sas àteras festas: 17 de freàrgiu 2015; 28 abrile 2015 (Sa die de sa Sardigna)

S'iscola materna acabat sas atividades su 30 de làmpadas de su 2015.

Bie su calendàriu ufitziale aprovadu dae sa Regione Sardigna.

Comuna de Abbasanta, Mobilidade pro unu collaboradore.

Avisu de mobilidade volontària intre entes pùblicos pro unu postu de collaboradore categoria B/1 a tempus indeterminadu, pro mesu de passàgiu diretu de personale de sa matessi categoria e profilu, in servìtziu in àteras amministratzione pùblicas, a sos sensos de s’artìculu 30 de su D.LGS. 165/2001 .

Su Responsàbile de su Setore Amministrativu in esecutzione de sa Delìbera G.C. n. 51 de su 10.07.2014 faghet ischire chi sa Comuna de Abbasanta cheret valutare rispetende su D.Lgs. 198/2006, sa dimanda de personale in servìtziu a tempus indeterminadu in àteras amministratziones pùblicas, cun profilu professionale de collaboradore tècnicu, categoria B/1, interessadu a si trasferire in custu Ente pro mèdiu de passàgiu diretu in base a s’art. 30 de su D.Lgs. 165/2001, pro unu postu lìberu de su matessi profilu professionale e categoria.

Recuisitos dimandados pro èssere ammìtidos:

• Tocat de èssere in servìtziu, cun cuntratu a tempus indeterminadu in s’Amministratzione Pùblica a sos sensos in base a su D.Lgs. n. 165/2001, cun incuadramentu “B/1”, profilu professionale de collaboradore tècnicu,  cumpartu “Regiones-Autonomias Locales”

• Tocat de àere s’idoneidade fìsica a su traballu in chistione

• Tocat de àere coladu in manera positiva sa muta de prova in s’Amministratzione de apartenèntzia.

• Tocat de àere s’assensu preventivu, de s’amministratzione de apartenèntzia, a su  trasferimentu  in mobilidade in àtera amministratzione, pena s’esclusione.

• Tocat de àere sa patente de guida (b).

Presentatzione de sa dimanda:

Chie est interessadu devet presentare dimanda in pabiru simple, intro de su 30 de cabudanni 2014, redada segundu s’ischema allegadu a s’avisu.

Iscàrriga su testu integrale dae su situ de sa Comuna